Еліміздегі ең ірі жанар-жағармай сатушысының ЖМҚС картасы бүкіл Қазақстанды, оның ішінде ең шалғай елді мекендерді қамтиды. Сондықтан Qazaq Oil шағын ауылдардағы өмірдің үлкен қалалардағы шынайылықтан қалай ерекшеленетінін жақсы біледі.

Бизнес жауапкершілігінің маңыздылығын түсіне отырып, компания әлеуметтік, мәдени және спорттық бастамаларды үнемі қолдайды, сондай-ақ халықтың әлсіз топтарына көмек көрсету жобаларын жүзеге асырады.

Осылайша, Qazaq Oil Қазақстан Республикасының Үстел теннисі федерациясымен бірлесіп «100 ауылға 100 үстел теннис залы» жобасын жүзеге асырып, ауыл мектептерін спорттық құрал-жабдықтармен қамтамасыз етті.

«Qazaq Oil компаниясы өскелең ұрпаққа үлкен көңіл бөліп, мұқтаж жандарға қолдау көрсетуде. «Qazaq Oil компаниясы өскелең ұрпаққа үлкен көңіл бөледі және оған мұқтаж жандарға қолдау көрсетеді. Сондықтан біз ҚР Үстел теннисі федерациясымен бірлесіп Қазақстан ауылдарында тұратын балалардың спорттық әлеуетін дамытуға бағытталған жобаны жүзеге асырдық. Біздің қосқан үлесіміз тек қазіргі ғана емес, сонымен қатар болашақтағы оқушыларға да пайдасын тигізіп, олардың жан-жақты дамуына ықпал ететініне шын жүректен сенеміз", - деп атап өтті PetroRetail бас директоры Төлеміс Шотанов.

Сондай-ақ,  дәрігерлер үстел теннисін ойнаудың пайдасын да атап көрсетеді. Олар бұл спорт түрі физикалық белсенділікті дамытып қана қоймай, сонымен қатар моториканы дамытуға, зейінді және реакцияны жақсартуға көмектесетінін атап өтті. Сонымен қатар, үстел теннисін ойнау эндорфиндердің бөлінуіне ықпал етеді және басқа адамдармен қарым-қатынас пен байланыстың тамаша тәсілі болуы мүмкін, бұл  психологиялық әл-ауқат үшін маңызды.

«Біз жүздеген ауылдық мектепті үстел теннисі үшін қажетті жабдықтармен қамтамасыз еттік, өйткені спорттық іс-шаралар білім беру процесін айтарлықтай байытып, оқушылардың физикалық дамуына септігін тигізеді. Жоба өткен жылдың соңында басталды және ақпан айының соңына дейін біз ауылдық мектептерге үстел теннисіне арналған барлық 100 жиынтықты жеткізіп бердік», - деп атап өтті Qazaq Oil PR-қызметінің басшысы Әнел Еликбаева.

Qazaq Oil тізімінде Қазақстанның түкпір-түкпірінде орналасқан жүз ауылдық мектеп бар: Шығыс Қазақстан облысы (10 мектеп), Батыс Қазақстан облысы (8 мектеп), Солтүстік Қазақстан облысы (7 мектеп), Қарағанды ​​облысы (9 мектеп), Павлодар облысы (8 мектеп), Маңғыстау облысы (9 мектеп), Атырау облысы (9 мектеп), Ақтөбе облысы (9 мектеп), Алматы облысы  (10 мектеп), Жамбыл, Қызылорда және Түркістан облысы (8 мектеп), Ақмола және Қостанай облысы (13 мектеп).

«Qazaq Oil» компаниясы ұсынған үстел теннисі бойынша 100 ауылға 100 зал» – ауыл балаларының спорттық әлеуетін қолдауға және ашуға бағытталған әлеуметтік-қайырымдылық жобасы. Бұл компанияның осы спорт түрін кеңінен насихаттауға және болашақта Қазақстанда жаңа талантты спортшыларды тәрбиелеуге қосқан үлесі. Жоба Қазақстан Республикасының Үстел теннисі федерациясымен бірлесіп әзірленген және Қазақстан ауылдарында тұратын балаларды дамытуға бағытталған.

Qazaq Oil бірнеше жылдан бері қазақстандық спорттың дамуына көңіл бөліп келетінін атап өткен жөн. Бұған дейін компания Бейжіңдегі 2022 жылғы XIII қысқы Паралимпиада ойындарында спортшыларға қолдау көрсетіп, елде джиу-джитсу, бокс және су добы сияқты спорт түрлерін дамытуға белсенді түрде көмектесіп келеді.