Бүгін Жамбыл облысында тағы бір Qazaq Oil жанармай құю станциясы ашылды. Ол т ребрендингтен өткен және 2022 жылдың басынан бастап іске қосылған төртінші ЖМҚС. Қазақстан бойынша осындай 132 станция бар. Жыл соңына дейін кем дегенде 80-і іске қосылады.

Осы мүмкіндікті пайдалана отырып, Жамбыл облысы бойынша аумақтық менеджер Даниер Бекназаров жанармай құю станцияларының өңірлердің қазіргі әлеуметтік және экономикалық өмірінде қандай рөл атқаратынын айтып берді. Ол аумақтық қамтудың ұлғаюы тек автокөліктерге қызмет көрсету саласына ғана әсер етіп қоймайтындығын атап өтті.

Ребрендинг жасай отырып, біз жанармай құю станциясындағы белгіні өзгертіп қана қоймай, оған жаңа серпін сыйлаймыз. Автокөлік жүргізушілері үшін жаңа қызметтер пайда болуда, ал ескі техникалық жабдықтар толығымен заманауи құрылғылармен ауыстырылуда. Мәселен, көп жағдайда ескі жанармай резервуарлары жаңаға қарағанда нашар болады, ал газ колонкалары жоғары сапалы сүзгілер мен толтыру датчиктері бар қазіргі заманауи түрлеріне ауыстырылады. Бүгінде Жамбыл облысында Qazaq Oil 19 жанармай құю станциясы жұмыс істейді, олардың жартысы ғана облыс орталығында орналасқан. Аудандарда заманауи ЖМҚС пайда болуы бір мезгілде ауыл халқын астаналық деңгейдегі сапалы сервиске жақындатады, сондай-ақ тұрақты және ең маңыздысы, жоғары ақы төленетін жұмыс орындарын ашады. Өйткені, болашақты жұмыспен қамтудың болмауы жастардың ауылдан кетуінің басты себептерінің бірі болып табылады, – деді ол.

Компанияның корпоративтік саясаты жұмыс ұжымдарының ішіндегі әділдіктің кепілі болып табылады. «Еңбегіне қарай марапаты» әділ ереже барлық деңгейдегі жұмыскерлердің қызметін өнімді ынталандыруға мүмкіндік береді, ал сапалы кәсіби өсу мүмкіндігі ертеңгі күнге деген сенімділікті қалыптастырады.

Біз әрдайым кадрларды бағалаймыз және Qazaq Oil-де жұмыс істеуге барынша перспективалы еңбекқор азаматтарды тартуға тырысамыз. Нарықта жаңа жанармай құю станцияларын ашқаннан кейін біз бірде-бір адамды жұмыстан шығармадық. Ішкі оқыту жүйесі келесі сатыға көтерілу үшін қажетті білім алуға мүмкіндік береді. Яғни, бүгін сен оператор, ертең әкімші боласың, содан кейін менеджерге дейін өсуге болады. Барлығы тек жұмыскердің өзіне ғана байланысты, - деп атап өтті Бекназаров.

Сонымен қатар, аумақтық менеджер компанияның корпоративтік мәдениетінің маңызды бағыты тек жұмыс орындарын сақтау ғана емес, сонымен қатар жұмыс орындарының санын арттыру болып табылатындығын атап өтті. Тараздың орталығында Рахимов көшесі мен Жамбыл даңғылының қиылысында орналасқан біздің жанармай құю станциямыз осының керемет көрсеткіші болып табылады.

Бұрын мұнда бес адамнан артық жұмыс істемеген, бірақ бір жыл бұрын ЖМҚС Qazaq Oil тобының толыққанды мүшесі болғаннан кейін, жұмыс орындарының саны 22-ге дейін өсті. Мәселе мынада, біз «жанармай құю» ғана емес, сондай-ақ клиентке бағдарланған жұмыс моделін ұстанамыз, яғни көрсетілетін қызметтер санын, тиісінше қызметкерлер штатын көбейтеміз. Қаладан шығатын жолда орналасқан жаңа жанар-жағармай құю станциясы ауысымдық жұмыспен оның толыққанды тіршілігін қамтамасыз ететін 11 қызметкердің еңбегінің арқасында жұмыс істейтін болады, - деп жалғастырды Даниер Бекназаров.

Сондай-ақ, маман жол бойындағы әдемі сервис туристік саланы дамытуға, сондай-ақ аймақтағы сауданың қарқынды өсуіне үлкен көмек екенін атап өтті. Республикалық және облыстық маңызы бар автомобиль жолдарының бойында орналасқан Qazaq Oil ЖҚС қалалықтарға қарағанда бірқатар қосымша ерекшеліктермен жабдықталған.

Адамдардың бізге тек сапалы отын үшін ғана келгенін қалаймаймыз. Бізге Qazaq Oil бренді жол бойындағы сервисі сапа белгісіне айналуы маңызды. Ұзақ жол шаршатады, демек жүргізушіге мейірімділік пен жылы қабылдау әрқашан пайдалы болады. Жайлы, қолайлы жағдайда, тіпті ең талапшыл азаматтың өзі де мейірімді болады. Сонымен қатар, қазіргі заманғы жанармай құю станциясы қарапайым күнделікті қажеттіліктердің барлық спектрін қанағаттандыруы керек. Қаладан тыс жерде біздің жанармай құю станцияларымыз душпен және жүк көліктерінің жүргізушілеріне арналған кең тұрақпен жабдықталған. Өміріңіздің жартысы жолда өтіп жатқанда, сіз дәмді тамақтанатын, "көшпелі үйіңізге" барып ұйықтамас бұрын душ қабылдауға болатын, таңертең жуынып, тісіңізді тазалайтын орынның болуы өте маңызды», – дейді Даниер.

Бүгінде өзінің барлық артықшылықтарымен Qazaq Oil жанар-жағар май құю станциялары Жамбыл облысының барлық аудандарында бар. Қазір онда 111 жұмыскер жұмыс істейді және олардың саны жақын арада өседі. Өткен жылы ғана елімізде 128 жанармай құю станциясы Qazaq Oil ребрендингінен өтті, ал ағымдағы жылдың соңына дейін кемінде 80 жанармай құю станциясы осы процестен өтеді.