Астанада Q-Cafe желісінің жаңа нүктесі ашылып, ол бірден қала тұрғындары мен қонақтарының сүйікті орнына айналды. Ашылу салтанаты үлкен қызығушылық тудырды: шараға хош иісті кофені бағалайтындар ғана емес, сонымен қатар «Астана» футбол клубы жанкүйерлері де жиналды. Дәл осы жерде спортшылардың жанкүйерлерімен кездесуі өтті.

Q-Cafe тарихы Qazaq Oil жанармай құю бекеттеріндегі шағын кофе-корнерлерден басталған еді. Бүгінде бұл жайлы атмосферасымен, заманауи дизайнымен және жоғары сапалы сусындары мен тағамдарымен танымал дербес желі. Соңғы жылдары Q-Cafe қаланың гастрономиялық мәдениетінің маңызды бөлігіне айналды.

Компания брендті тек жеке кофеханалар арқылы ғана емес, франчайзинг бағытымен де дамытып келеді. Бүгінде бұл – кәсіпкерлер үшін мықты бренд пен сенімді бизнес-модель қолдауымен өз ісін бастауға нақты мүмкіндік. Айта кетейік, Qazaq Oil желісіндегі нүктелерде қонақтар 4 миллионнан астам стақан кофе ішіп, шамамен 2 миллион хот-дог дәмін татқан.

Астананың Орталық саябағындағы жаңа кофехана ашылуы жарқын оқиғаға айналды, өйткені «Астана» футбол клубы жанкүйерлерімен кездесті. Чемпионатта көш бастап келе жатқан ойыншылар Q-Café-ге арнайы келіп, жанкүйерлерімен тілдесіп, естелік сыйлықтар, қолтаңбасы бар футболкалар мен доптар табыстап, бірге суретке түсті.

Осылайша, жаңа кофехананың ашылуы бірден бірнеше маңызды бағытты біріктірді: қалалық гастрономиялық мәдениетті дамыту, франчайзинг арқылы кәсіпкерлікті қолдау және қарым-қатынас пен есте қаларлық оқиғаларға арналған кеңістік құру.

Q-Cafe дәмді кофе ішетін орын ғана емес, ерекше атмосфера, эмоция және жаңа таныстықтар сыйлайтын мекен екенін тағы бір мәрте дәлелдеп отыр.